ភ្នំពេញ៖ ពូបង្កើតរបស់សម្ដេចនាយករដ្ឋមន្ត្រី គឺឧបាសក ឌី បូ បានទទួលមរណភាពនៅវេលាម៉ោង១១ និង៤៥នាទី ថ្ងៃទី៣០ ខែមីនា ឆ្នាំ២០២៣នេះ ក្នុងជន្មាយុ ១០២ឆ្នាំ។

សម្ដេចតេជោ ហ៊ុន សែន បានសរសេរលើហ្វេសបុកផេករបស់សម្ដេចថា ថ្ងៃនេះត្រកូលឌី បូកនឹងត្រកូលហ៊ុន បានបាត់បង់មនុស្សចុងក្រោយនៃជំនាន់ឪពុកម្ដាយរបស់សម្ដេចហើយ។

សម្ដេចតេជោសរសេរថា៖ «ប្អូនប្រុសម្តាយខ្ញុំឈ្មោះ ឌី បូ បានទទួលមរណៈភាពកាលពីម៉ោង១១:៤៥នាទី ថ្ងៃ៣០ មីនា ២០២៣ នេះក្នុងជន្មាយុ ១០២ឆ្នាំ»។

ល្ងាចថ្ងៃទី៣១ ខែមីនា សម្ដេចតេជោនឹងទៅដុតធូបដើម្បីគោរពវិញាណក្ខន្ធនិងជូនដំណើរចុងក្រោយចំពោះឧបាសក ឌី បូ ផងដែរ៕